Fjölmennur súpufundur MIH

30. jan. 2019

Meistarafélag iðnaðarmanna í Hafnarfirði hélt súpufund fyrir stuttu þar sem ný Mannvirkjagátt Mannvirkjastofnunar var kynnt. Um síðustu áramót öðluðust gildi ákvæði Laga um mannvirki og byggingarreglugerðar þar sem megin reglan er að byggingarstjóri framkvæmir áfangaúttektir sjálfur og skal notast við Mannvirkjagátt Mannvirkjastofnunar. Stjórn MIH fannst mikilvægt að allir sem starfa sem byggingarstjórar og iðnmeistarar kynni sér þessa mannvirkjagátt og ákvað að boða til þessa súpufundar. Tveir starfsmenn Mannvirkjastofnunar komu til fundarins og kynntu Mannvirkjagáttina, hvernig hún vinnur og hvernig byggingarstjórar og iðnmeistarar skuli nota hana. Gaman er að segja frá því að sjaldan eða aldrei hafa fleiri félagsmenn sótt fund sem þennan en rúmlega 60 félagsmenn mættu. Stjórn MIH þakkar Brynju, sem sér um sal Golfklúbbsins Keilis, kærlega fyrir hennar aðkomu en félagið hafði tjáð henni að búast megi við 30-40 manns