Skemmtinefnd MIH hefur ákveðið að golfmót félagsins verði haldið á Hamarsvelli í Borgarnesi fimmtudaginn 21. júní. Félagsmenn eru beðnir um að taka þennan dag frá í dagbók sinni. Frekari upplýsingar verða sendar félagsmönnum þegar nær dregur.

Hæstiréttur komst að þeirri niðurstöðu fyrir stuttu að Íbúðalánasjóður ætti að greiða byggingafyrirtækinu Norðurvík ehf. skaðabætur vegna ólögmætrar kröfu sjóðsins um bankaábyrgð samhliða lánveitingu úr sjóðnum. SI studdu Norðurvík ehf. með rekstur dómsmálsins. Hér má lesa fréttina í heild á heimasíðu SI.

MIH hefur sent bæjarstjórn Hafnarfjarðar bréf þar sem mótmælt er lokunar á jarðvegstipp. Nýr jarðvegstippur er nú við Litlu kaffistofuna. Að mati MIH mun þetta hafa mikinn kostnaðarauka í för með sér fyrir alla þá sem hafa hugsað sér til hvers konar framkvæmda. Einnig bendir MIH á að þessi ákvörðun hefur í för með sér mikla slysahættu á þjóðvegum, aukna mengun og orkunotkun á sama tíma og almennt er verið að reyna minnka notkun eldsneytis. Bréfið sem sent var bæjarstjórn Hafnarfjarðar m á sjá hér.